Wednesday, May 04, 2005

AMAR PREM

"amar prem" naam se 6 filme banaaee gaee lekin jo asar 1971 men aaee shakti saamant ki film ne kiyaa wah jaadoo koee aur nahee kar paayaa.teen kiradaaro ke beech panapa ek rishtaa jise koee naam nahee de sakate par jisakee sachchaaee, gaharaaee aur majabootee kaa koee thaah nahee hain. teeno alag alag jeevan roop ke hote hain, uname koee jameenee samaanata na hote hue bhee ek samaanataa thee ,teeno Thukaraaye hue the, pyaar ke bhookhe.ek veshya jo pati kee chhoDee huee thee, samaaj ke dutkaare jaane par koThe kee raah par chal paD_tee hai par pyaar kee bhookh usakee shaant hotee hai ek dukhee insaan kaa saath dekar, naa us rishte ko patnee kaa darzaa diyaa jaa sakataa hai, naa premikaa kaa. bas do adheer dilo^ kaa saath kah sakate hain. waheen ek sautelee mO ke sataaye hue laD_ke men mamata talaashatee ek koThe waalee apna gam usako pyaar karake bhulaa diyaa karatee thee. pooree film ke dauraan laD_akaa use koee rishtaa nahee detaa bas "wo" bodhan detaa hai. rishtaa iseeliye shaayad sirf dil kaa ban ke rah gayaa. yah bataatee hai kee dil ke rishte khoon ke rishto ko bhee paanee kar sakatee hai. prem amar hai, amar rahega.